Arrailak

2017an India hegoaldeko neskato batek bere buruaz beste egin zuen eskolako irakasle batek ikasgela uzteko eskatu ostean. Irakaslearen arrazoia neskatoaren jantzietako hileko odol orbanak izan ziren.

Emakumeok bai baitugu ilargiaren esanetara odolez bete eta husten den arrail edo pitzadura bat gure baitan. Odol hau lotsaren eramale da oraindik ere: Kenian, hamar nerabetatik batek eskolara joateari uzten dio hilekoa etortzerakoan, zapiak erosteko mediorik ez eta orbanen lotsa ekiditeko.

Hain urrun joan beharrik gabe, gure arbasoek, baita guk ere, badugu lotsa horren berri. Arrailak (KRAK, 2021) emakumeon zikloaren edertasunari eskainiriko kanta da. Maite Larburuk bere amonari hilekoa nola etorri zitzaion kontatzen du, hari entzunda bezala.

Orain, abesti hau bideoklip animatu bihurtu da Ainara Azpiazu “Axpi” marrazkilari, Oskarbi Sein (Bira Produkzioak) animatzaile eta Hernaniko Udalaren Sorkuntza bekari esker.

Hilekorik gabe ez ginateke izango: ez emakume, ez gizon, ez gizarte. Lotsarik ez!

Maite Larburu

beste lan batzuk

Piztu Pilotua!

Euskararen Jedia izateko tutoriala.

GEHIAGO IKUSI
Rafa Rueda – Hokusairen olatua

Plazerra izan da urteko diskorik borobilenetako baten kanturik ederrenetako bati irudiak jartzea.

GEHIAGO IKUSI
Usopop #10

10 urte betetzen zituen egunean esan digu agur Usopop saratar jaialdi ederrak.

GEHIAGO IKUSI