1938ko maiatzaren 21ean, Valeriano Ilzauspe Iriarte, Berroetako bizilaguna, fusilatu zuten Iruñeko Ziudadelan, San Kristobal gotorlekuko ihesaldiaren bezperan.

 Valeriano, 22 urterekin, Ameriketara joan zen artzain, eta 35 urte geroago itzuli zen Berroetara. Ximona Garai Mayarekin ezkondu zen eta seme bat izan zuten, Ramon. Valeriano nazionalista eta bakezalea zen, eta Ramon Iparraldera bidali zuen, gerratik babesteko.

 Herriko bizilagun batzuek salatu zuten, «matxinadari edo desertzioari laguntzeagatik», eta 10 hilabete eman zituen San Cristobalgo kartzelan.