Astigarragako Udalak “Nahi dugun Astigarragarantz” herri gogoetak jarri zituen martxan 2023-2028 agintaldirako. Bertan, gai ezberdinekin lotutako parte-hartze prozesuak abiatu dituzte. Hala nola, euskara, irisgarritasuna, berdintasuna, toki-garapena edota zaintza.

Hauetako batzuen bideo-materialak ekoizteko aukera izan dugu.

A* GAZTEAK ETA A* ELKARGUNEA +55

Astigarragako Udalak, Astigarragarantz ekimenaren barnean antolatutako A* Gazteak eta A* Elkargunea +55 partehartze prozesuetarako bideo-sorta egiteko proposamena luzatu zigun. Emaitza, deialdia egiteko bideo bat, eta parte-hartze prozesutik ateratako ondorioak laburbiltzen dituen beste bi bideo izan dira.

A* ELKAR ZAINDUZ

Urte bete beranduago, eta partehartze ziklo berarekin jarraituz, herri-zaintzaren inguruko hausnarketa proposatu zuen Udalak. Oraingo honetan ere, bideoak gure ardura izan ziren.

Prozesuaren aurkezpen zein deialdiaz gain, topaketa ezberdinen jarraipenaz ere arduratu ginen.