Bañolet filma Garaziko eskualdeko biztanleekin garatu den euskarazko pelikula proiektu parte-hartzaile bat da. Maia Iribarne eta Paxka Irigoyenek zuzenduriko eta Xofaldia Prod-ek ekoiztutako filma da, eta bertan, argazki zuzendari eta kameralari lanetan parte hartzeko aukera izan genuen.

Filma Eiheralarreko herrian grabatu zen 2021eko udan, eta kasu honetan aktore taldeak ezaugarri berezi bat zeukan: ez ziren profesionalak, herriko biztanleak baizik. Pelikulak existitzen ez den herri bat aurkezten digu, non testuinguru geopolitiko berezi batean eraiki den, populu zapalduek berriki birjabetu baitute lurraldea.

Pelikulak haurtzaroko begirada hartzen du oinarri gisa eta bere kodeak erabiltzen ditu, erreferentetzat garai horretako gogoetak eta jokoak hartuz.