EUS
CAT

BEKADUNA

Ideia zoro asko izaten ditugu, eta askok, ez dute lekurik topatzen. Batzuk ordea, argia ikusten dute. Bekaduna webserieak, lekua baino, etxea topatu du. Beste inon ezingo litzateke proiektu hau aurrera atera. A ze taldea! Eta… zeinen ondo pasa genuen!

UEUk umorez eta euskarazko fikzioari tarte emanez ospatu nahi izan du 50. urteurrena. Elkarlanari muga berriak jarriz, Hiru Damatxorekin batera ekoiztu ditugu lau atalak eta Mikel Irazusta izan dute protagonista.

Simon Eibarrera etorri da lan-elkarrizketa bat egitera, baina urgentzia bat dela eta UEUren egoitza den Markeskoa jauretxean sartu beharko du. UEUko langileek beste pertsona batekin nahastuko dute eta ordutik aurrera dena kilker kaiola bat bihurtuko da.

Simonen gezurretan ari dela kausitu du UEUko lantaldeak, baina hori bai, gezurraren atzean dagoen egiarekin nahastu dira. Badakite ez dela bekaduna, baina trukean, zuzendari infiltratua dela pentsatu dute.

Simonek Idoiaren deia jaso du, bere lana zen izango den jakiteko ordua iritsi zaio. Edo ez, etxe honetan ez da ezer espero duzuna. Egoitza eta bertan lan egiten dutenak ezagutzeko abentura txiki bati hasiera eman beharko dio Simonek zer egin behar duen jakin nahi badu.

Azkenean bai, Simonen gezur guztiak agerian geratu dira eta aurpegia emateko ordua iritsi zaio. Bekaduna izaten jarraitu nahi badu, hiru proba pasa beharko ditu… edo frogak? Proba? Froga? Nik zer dakit…

beste proiektu batzuk