Zer pentsatzen dute gazteek sarean dituzten jarrerei buruz? Ba al dute kontzientziarik egiten dituzten ekintzen eta haien ondorioei buruz? Bihurtu daitezke erasotzaile? Puntueus eta Cyberzaintzarekin elkarlanean gauzatutako ikus-entzunezko honek baliabide pedagogiko bat izan nahi du gazteentzat eta haiekin lan egiten duten profesionalentzat: irakasle, guraso zein hezitzaileentzat. Bideo honen helburua gazteek sarean dituzten jarrera desegokien inguruko kontzientzia hartzea da, eta sarritan, ohartu gabe bada ere, erasotzaile izan daitezkeela ulertzea.