Euskararen erabilera ohitura eta guraso-haurren arteko transmisioaz sentsibilizatzeko helburua zuen bideo bat behar zuen Oarsoarrak komunitateak. Bertan, Oarsoaldeko hainbat familiei elkarrizketa eta jolas moduan haien hizkuntza ohiturei buruz galdetzea eta haur eta helduen ikuspegia islatzea zen ideia. Bideoa ikastetxeetako ikasturte hasierako gelakako bileretan erabiltzeko pentsatuta dago, batez ere.
Gurasoei eta familiei, zentzu zabalean, hizkuntza kontuetan nola jokatu, eta, hari buruzko erabakiak hartzerakoan, kontuan zer hartu behar duten aholkatzen dien eta orientabideak eskaintzen dizkien gida bat ere osatu dute. Jaioberrien gurasoei banatu ohi zaie eskualdean.