2014an, Eduardo Chillidaren 100. urteurrena ospatu zuen Chillida Lekuk, ikuskizun parte-hartzaile handi batekin. Museoa topaleku bilakatu zen, eta bertan musika, dantza eta poesia uztartu ziren Chillidaren eskulturekin hitz eginez, udari ongi etorria emateko. Chillida 100 urte museoaren eta Hernaniko kultur eragileen arteko elkarlaneko proiektu artistiko baten emaitza da, Kukai dantza konpainiaren koordinaziopean. Chillida Lekuk hartuko du kulturaren jai handi hau, artistaren konpromiso soziala eta komunitatearekiko loturak gogorarazten dituena. EITBk, ekitaldia osorik eskaini zuen, eta ikusgai duzue nahieran.