Urte bete igaro da Hernani Burujabe ekimena martxan jarri zenetik. Helburu nagusia eskala lokaletik abiatuta lurralde burujabetza eraikitzeko trantsizio prozesu integral bat aktibatzea zen. Horretarako, bizitza, ekonomia eta politika zeharkatzen dituzten sektore desberdinetan burujabetza prozesuak jarri dira martxan. Baina zer da Hernani Burujabe? Zergatik orain eta hemen? Nola artikulatzen da? Zein erronka ditu?
Galdera hauei erantzuna emateko asmoz eta, urtebetean zehar prozesuaren gertuko jarraipena eginez, Hernani Burujabe proiektuaren argazki orokor bat ateratzen saiatu gara, Hiritik At kooperatibarekin elkarlanean sorturiko dokumental labur honetan.