Hazilan  2019

Hazilan 2019

HAZILA 2019

Garapen Elkarteak eta eskualde-garapenerako hogei agentziaz osatutako sare batek kudeatzen dute Hazilan proiektua. Araba, Bizkaia eta Gipuzkoako gazteek zein enpresek planteatzen dituzten eskariei erantzuteko sarea eskaintzen dute.

Hazilan, garapen elkarte profesional bat da, Euskadiko toki-erakundeek eratutako garapen-agentziak bildu eta, agentzia horiekin batera, eskualde eta udalerri horien garapen ekonomikoa sustatzeko eginkizuna duena.

Urola Kostako garapen agentziak eskatuta, bideo sorta hau gauzatu genuen proiektuaren zabalkunderako.

Hazilan:

www.hazilan.eus/pages/hazilan

Usopop  #10

Usopop #10

Usopop #10

10 urte betetzen zituen egunean esan digu agur Usopop saratar jaialdi ederrak. Txikitik hasi eta Euskal Herri mailako erreferente izatera iritsi den jaialdi artisau honek goi mailako kartel batekin itxi du bere ibilbidea. Ohore eta plazer hutsa izan da guretzat gure herriaren historiara igaroko den jaialdi honen azken ekitaldian parte hartzea.

Eguraldia ez genuen lagun izan eta une batzuetan tragedia greko itxura ere hartu zuen asteburuak, baina horrek, azken Usopop honek Lizarrietara gerturatu ginen guztiok zerbait handiaren parte izaten ari ginela sentitzera eraman gintuen. Hori guztia islatzen saiatu ginen jaialdiaren laburpen bideoan eta horretarako, igandean kontzertu zoragarri zein busti bat eskaini ziguten Lankum irlandarren “Cold Old Fire” kantua erabili dugu.

Horretaz gain, Joseba Irazoki eta Lagunak bandaren zuzeneko “Zu al zara?” kantuaren bideoklipa ere burutu genuen. Kantu eder honek ematen dio izena artista beratarraren azken lanari.

Usopop:

http://www.usopop.com/ 

LAB-CAF

LAB-CAF

LAB-CAF

Urria-Azaroa bitartean, LAB CAF Sail Sindikalarekin elkarlanean aritu gara, bertako langileen zailtasun, borroka eta etorkizuneko erronken inguruko solasaldi sorta bat eginez, “CAF solasaldiak” izenpean. Horrekin batera, hauteskundeetarako spot-a ere sortu dugu. 

LAB-CAFen sare sozialak:

www.labcaf.eus