Hauspotu

Hauspotu

HAUSPOTU

Lurralde desoreka ez da ahuntzaren gauerdiko eztula. Hiriak eta metropoliak handitzen ari diren neurrian, Euskal Herriko landa eremuko argia itzaltzen ari da emeki-emeki. Neurririk hartzen ez bada, egoerak ez du atzera bueltarik izanen. Hori dela eta, Udalbiltzak Euskal Herri mailako arazo larri horri, Euskal Herri mailako erantzuna ematea proposatzen du. Udalbiltzarentzako eginiko bideo honetan azaldu dugu zertan datzan HAUSPOTU programa.

Udalbiltza:

www.udalbiltza.eus

Etorkizuneko konpetentziak

Etorkizuneko konpetentziak

ETORKIZUNEKO KONPETENTZIAK

MIK, Monte Albertia eta Urola Kostako Udal Elkarteak eskatuta, etorkizunen konpetentzien inguruko bideo bilduma hau garatu genuen estetika eremuko ikasleei bideratuta. Helburua, ikasketa praktikak hasi aurretik, hauek, erreferentziazko zentruek baloratzen dutena ezagutzea zen, lehen ahotsean. Horretarako, zentru banatan burututako pilula bana eta laugarren batean egindako praktika eredugarri bat bildu ditugu hemen ikusgai duzuen bideo sorta honetan. 

Urola Kostako Udal Elkartea:

http://www.urolakosta.eus/eu/hasiera

MIK:

https://www.mondragon-corporation.com/eu/empresa/mik-mondragon-innovation-knowledge/

Monte Albertia

http://www.montealbertia.hezkuntza.net/eu/montealbertia

 

Hazilan 2019

Hazilan 2019

HAZILA 2019

Garapen Elkarteak eta eskualde-garapenerako hogei agentziaz osatutako sare batek kudeatzen dute Hazilan proiektua. Araba, Bizkaia eta Gipuzkoako gazteek zein enpresek planteatzen dituzten eskariei erantzuteko sarea eskaintzen dute.

Hazilan, garapen elkarte profesional bat da, Euskadiko toki-erakundeek eratutako garapen-agentziak bildu eta, agentzia horiekin batera, eskualde eta udalerri horien garapen ekonomikoa sustatzeko eginkizuna duena.

Urola Kostako garapen agentziak eskatuta, bideo sorta hau gauzatu genuen proiektuaren zabalkunderako.

Hazilan:

www.hazilan.eus/pages/hazilan

Usopop #10

Usopop #10

Usopop #10

10 urte betetzen zituen egunean esan digu agur Usopop saratar jaialdi ederrak. Txikitik hasi eta Euskal Herri mailako erreferente izatera iritsi den jaialdi artisau honek goi mailako kartel batekin itxi du bere ibilbidea. Ohore eta plazer hutsa izan da guretzat gure herriaren historiara igaroko den jaialdi honen azken ekitaldian parte hartzea.

Eguraldia ez genuen lagun izan eta une batzuetan tragedia greko itxura ere hartu zuen asteburuak, baina horrek, azken Usopop honek Lizarrietara gerturatu ginen guztiok zerbait handiaren parte izaten ari ginela sentitzera eraman gintuen. Hori guztia islatzen saiatu ginen jaialdiaren laburpen bideoan eta horretarako, igandean kontzertu zoragarri zein busti bat eskaini ziguten Lankum irlandarren “Cold Old Fire” kantua erabili dugu.

Horretaz gain, Joseba Irazoki eta Lagunak bandaren zuzeneko “Zu al zara?” kantuaren bideoklipa ere burutu genuen. Kantu eder honek ematen dio izena artista beratarraren azken lanari.

Usopop:

http://www.usopop.com/