Noam Chomskyk identifikatutako 10 estrategiak hartu, Arkaitz Canoren galbahetik pasa, eta Pettik musika jarri. Horixe da “Manipulazio estrategiak” diskoa. Lan berezi honetarako, Petti musikari beratarrak, lehen mailako musikarien laguntza izan du. Emaitza, disko gozagarrri bat da. Eta nola ez, gozagarria izan da guretzt ere, “Zaldi emozionalak”, lehen singlearen bideoklipa egin ahal izatea.

Petti

Ordiziako Starblues taldearen “Zure jabe” abestiaren bideoklipa egiteko aukera izan dugu. Bluesaren sustrai eta estilotik aldendu gabe, abestiaren letretan oinarriturik, bideoari beste buelta bat ematea bururatu zitzaigun. Hementxe emaitza.

Starblues

Soma Cult 

Taldearen zale izanda, Willis Drummond baionarren Zugzwang diskoan parte hartzea ohore zein plazerra izan da biratarrontzat. Are gehiago, taldearen ibilbidean mugarri izango dela iruditzen zaigun disko honetan.

“Lehentasuna” lehen singlearen bideoklipa egin ondoren, bigarrenari heltzeko ordua iritsi zen eta hasieratik, oso garbi izan genuen, bai biratarrok eta baita Willis Drummondek ere, kantu aukeratua “Bigarren aukera” izan behar zela.

Diskoko kanturik ezagunenetako bat bilakatzen ari zelako alde batetik, eta kantuak biltzen duen esanahiagatik, bestetik. Felix Buff, Willis Drummond taldeko baterijoleak idatzi zuen kantua bere aita zendu ondoren, eta halako gertaera batek biltzen duen gordintasun eta benetakotasuna batzen ditu.

Horretaz gain, Anari edo Joseba Irazoki bezalako artistak zuzentzeko aukera ere eskaini digu, kantu eder honetan, beraien alea ere jarri zutelako.

Willis Drummond

Kalean da Bitartean Folk taldearen “Kreole” lan berria. Lehen singlearen izena, “Denak ez ziren indiano” izan da eta kaleratze honi oihartzuna emateko asmoz, kantuaren bideoklipa grabatzeko aukera eskaini ziguten. Taldekideez gain, Ttarla Dantza Taldeko kideak izan genituen grabaketan parte hartzen eta plazer hutsa izan zen bideokliperako prestatu zuten koreografiaz gozatzea.

Bitartean