Hernaniko Jabetza Eskolaren Inaugurazio ekitaldia zoragarria izan zen. bertan, Bihotx taldea izan zen protagonista nagusi Olatz Salvador kantari eta musikariaren laguntzarekin. Ekitaldi ederra izan zen eta ez zen erronka makala Leokara gerturatu zirenek han gozatutakoa bideo batean islatzea. Hala ere, gustura geratu ginen emaitzarekin.

Hernaniko Udala

Hernaniko Liburutegiak hirugarren aldiz antolatu du aurten Hitz-Andana jaialdia. Bertan, hitzetatik tira eginez egitarau anitz zein zabala eskaini dute urrian zehar. Bertan izan ginen jaialdi osoaren laburpen bat egin asmoz eta hauxe izan da emaitza.

Hernaniko liburutegia

Hernaniko Udalak antolatzen duen “Udaparkean” ekimenaren 4. edizioa ospatu zen abuztuaren lehenengo egunetan, Hernaniko Ave Maria parkean. Uda giroan gozatzeko antzerkia, zirkua, zinea, dantza, musika, jolasak… denontzako moduko ekintzak izan ziren bertan eta gu hantxe aritu ginen guztia grabatzen, laburpen bideo hauxe egiteko.

Hernaniko Udala

Pasa den kurtsoan zehar hamaika lagun egin ditu Birak eta horietako bat, Beasaingo Udal Euskaltegia izan da. Lagun izateaz gain, bidelagun ere izan ditugu, urte osoan zehar antolatu dituzten ekitaldietan izan baikara kurtso amaieran eta oporraldiari gogoz heltzeko asmoz prestatu genuen laburpen bideo hau gauzatu ahal izateko

Beasaingo udal Euskaltegia

Hernaniko Berdintasun Kontseiluak antolatuta, Hernaniko I. Trans Zikloa ospatu zuten maiatzaren 15 eta 19 bitartean. “Gordetzea ezinezkoa da! Aimar Elosegi Ansa gogoan Trans Zikloa” izenpean burutu zuten egitaraua eta bertan, Aimarren bizitzatik tiraka Kattalin Miner herritarrak idatzitako Moio liburuaren aurkezpena izan zen ekitaldi nagusia. horretaz gain, Bertso-Trans-Saioa ere antolatu zuten. Bi ekitaldietako irudiekin laburpen hau prestatu genuen Hernaniko udalarentzat.

Hernaniko Udala