Pepper

Pepper

PEPPER

Urola Kostako Udal Elkartearen enkarguz Peeper Robotaren aurkezpen publikorako garatutako film laburra duzue hau. Pepper, adinekoen bizitza hobetu, autonomia indartu eta bizitza aktiboago eta osasuntsuago bat mantentzeko helburuarekin jaio da eta horixe da film labur honetan azaldu nahi izan duguna. Horretaz gain, adinekoei teknologia berriek eskaintzeko duten guztiaren potentziala erakutsi nahi izan dugu aurreiritziak alde batera utzi eta esperientziaren alorrean murgilduz.

Urola Kostako Udal Elkartea

urolakosta.eus

 

Gazte Kontseilua

Gazte Kontseilua

GAZTE KONTSEILUA (HERNANI)

Hernaniko Gazte Kontseilua Hernaniko Udaleko organo bat da. Gazteek emantzipatzeko eta autonomia lortzeko dizuten oztopoak gainditu nahi dituen pertsona, herritar, elkarte eta taldeen proposamenak jaso eta horien parte-hartzea bermatu nahi duena. Helburuak, herriko garapen ekonomiko, politiko eta sozialean gazteen presentzia bermatzea, administrazioaren eta gazteen arteko tartea gainditzeko eta elkarren arteko harremana errazteko gunea izatea, eta herriko gazteen elkarteen sarea bultzatzea dira. Hori dela eta, herriko gazteei deialdi bat egin nahi izan zitzaien Kontseiluaren dinamiketan parte hartzeko. Bira Produkzioaken ardura izan zen bideo hori gauzatzea eta hementxe duzue azken emaitza.

Hernaniko Gazte Kontseilua

Zikilimarro

Zikilimarro

ZIKILIMARRO (JUPITER JON & AMAREN ALABAK)

Duela urte bete jarri genuen martxan proiektu hau eta bidea luzea izan da, luzea eta ederra. Jupiter Jon eta Amaren Alabak taldeek elkarrekin landutako lanaren singlearen bieoklipa hasieratik amaierara garatu dugu denbora horretan eta 2deo, Tabakalerako ikus-entzunezko laborategiaren laguntza izan dugunez, esperimentatzeko baliatu dugu aukera. Zuberoako haur kanta batetik abiatuz, Zikilimarro artile eta larru bilakatu dugu eta gure beldurrez aritu gara. Horretarako, elkarlan interesgarriak izan ditugu prozesuan zehar eta aberastasun hori, emaitzan nabari delakoan gara.

Jupiter Jon:

https://jupiterjon.bandcamp.com/

Etorkizuneko konpetentziak

Etorkizuneko konpetentziak

ETORKIZUNEKO KONPETENTZIAK

MIK, Monte Albertia eta Urola Kostako Udal Elkarteak eskatuta, etorkizunen konpetentzien inguruko bideo bilduma hau garatu genuen estetika eremuko ikasleei bideratuta. Helburua, ikasketa praktikak hasi aurretik, hauek, erreferentziazko zentruek baloratzen dutena ezagutzea zen, lehen ahotsean. Horretarako, zentru banatan burututako pilula bana eta laugarren batean egindako praktika eredugarri bat bildu ditugu hemen ikusgai duzuen bideo sorta honetan. 

Urola Kostako Udal Elkartea:

http://www.urolakosta.eus/eu/hasiera

MIK:

https://www.mondragon-corporation.com/eu/empresa/mik-mondragon-innovation-knowledge/

Monte Albertia

http://www.montealbertia.hezkuntza.net/eu/montealbertia

 

Willis Drummond – Zugzwang

Willis Drummond – Zugzwang

WILLIS DRUMMOND - ZUGZWANG

Taldearen zale izanda, Willis Drummond baionarren Zugzwang diskoan parte hartzea ohore zein plazerra izan da Biratarrontzat. Are gehiago, taldearen ibilbidean mugarri izango dela iruditzen zaigun disko honetan.

Hasieratik oso garbi izan genuen ideia. Azken urteetan indie-rockaren barnean eman den joera bati jarraituz, happeningaren inguruan garatu nahi genuen bideoklipa. Taldea zerbaitetan jarri eta horren inguruan istorio bat kontatu hain zuzen ere. “Lehentasuna” kantua entzun, hitzak irakurri eta gure galbahetik pasatzean, taldea zulo bat egiten irudikatu genuen ia automatikoki. Gizartea, gu geu barne, egiten ari garen zuloa etorri zitzaigun burura. Gauzak okerrera doaz eta badirudi, Titaniceko orkestraren moduan, itsasontzia urperatzen den bitartean kantuan eta dantzan jarraitzen dugula. Ideia horretatik tiraka eraiki genuen bideoklipa. Bi errealitate azaldu nahi genituen eta horretarako abiadura ezberdinekin jolastu dugu, une batean, dikotomia hori apurtzeako.

Hasieratik bere egin zuen taldeak guk botatako ideia eta izugarrizko inplikazioa izan dute prozesuan zehar. Egia esan, gozada hutsa da horrela lan egitea. Inplikazio hori gainera, azken emaitzak iradokitzen duen lagun-arteko giroan ere sumatzen da. Beskoitze eta Hazparne arteko zelai batean grabatu genuen egun bakar batean eta bertan ageri den jendea taldekideen lagun-minak dira. Esan liteke, familian grabatu genuela, gu ere, etxeko sentiarazi gintuzten eta.

Amaitzeko, aipatu, Zugzwang lan honen lehen singlearen bideoklipa oso garrantzitsua izan dela Bira Produkzioakentzat. Noizbatit egin nahi ditugun gauzen zerrenda bat dugu eta horietako bat zerrendatik kentzeko aukera eskaini digu lan honek. Rodaje batean eskabadora bat erabiltzea hain zuzen ere. Beste bat, bideo batean helikoptero bat lehertzea da. Ea hurrengoan.

Willis Drummond:

https://willisdrummond.bandcamp.com/