Uda  Parkean  2019

Uda Parkean 2019

Uda Parkean 2019

Hernaniko Udalak antolatzen duen “Udaparkean” ekimenaren 4. edizioa ospatu zen abuztuaren lehenengo egunetan, Hernaniko Ave Maria parkean. Udagiroan gozatzeko antzerkia, zirkua, zinea, dantza, musika, jolasak… denontzako moduko ekintzak izan ziren ziren bertan eta gu hantxe aritu ginen guztia grabatzen, laburpen bideo hauxe egiteko.

Hernaniko Udalaren sare sozialak:

www.hernani.eus

 

Beasaingo  Udal  Euskaltegia

Beasaingo Udal Euskaltegia

Beasaingo Udal Euskaltegia

Pasa den kurtsoan zehar hamaika lagun egin ditu Birak eta horietako bat, Beasaingo Udal Euskaltegia izan da. Lagun izateaz gain, bidelagun ere izan ditugu, urte osoan zehar antolatu dituzten ekitaldietan izan baikara kurtso amaieran eta oporraldiari gogoz heltzeko asmoz prestatu genuen laburpen bideo hau gauzatu ahal izateko.

Beasaingo udal Euskaltegia:

www.beasain.eus/es/euskaltegi 

Trans  Zikloa

Trans Zikloa

TRANS ZIKLOA

Hernaniko Berdintasun Kontseiluak antolatuta, Hernaniko I. Trans Zikloa ospatu zuten maiatzaren 15 eta 19 bitartean. “Gordetzea ezinezkoa da! Aimar Elosegi Ansa gogoan Trans Zikloa” izenpean burutu zuten egitaraua eta bertan, Aimarren bizitzatik tiraka Kattalin Miner herritarrak idatzitako Moio liburuaren aurkezpena izan zen ekitaldi nagusia. horretaz gain, Bertso-Trans-Saioa ere antolatu zuten. Bi ekitaldietako irudiekin laburpen hau prestatu genuen Hernaniko udalarentzat.

Hernaniko Udala:

www.hernani.eus

 

Usopop  #10

Usopop #10

Usopop #10

10 urte betetzen zituen egunean esan digu agur Usopop saratar jaialdi ederrak. Txikitik hasi eta Euskal Herri mailako erreferente izatera iritsi den jaialdi artisau honek goi mailako kartel batekin itxi du bere ibilbidea. Ohore eta plazer hutsa izan da guretzat gure herriaren historiara igaroko den jaialdi honen azken ekitaldian parte hartzea.

Eguraldia ez genuen lagun izan eta une batzuetan tragedia greko itxura ere hartu zuen asteburuak, baina horrek, azken Usopop honek Lizarrietara gerturatu ginen guztiok zerbait handiaren parte izaten ari ginela sentitzera eraman gintuen. Hori guztia islatzen saiatu ginen jaialdiaren laburpen bideoan eta horretarako, igandean kontzertu zoragarri zein busti bat eskaini ziguten Lankum irlandarren “Cold Old Fire” kantua erabili dugu.

Horretaz gain, Joseba Irazoki eta Lagunak bandaren zuzeneko “Zu al zara?” kantuaren bideoklipa ere burutu genuen. Kantu eder honek ematen dio izena artista beratarraren azken lanari.

Usopop:

http://www.usopop.com/